लायन्स मनराम प्रतिष्ठान २००५ नेपाल, संघ संस्था ऐन, २०३४ बमोजिम जिल्ला प्रशासन कार्यालय, काठमाडौमा वि.सं. २०६८ साल भाद्रमा विधिवत दर्ता भएको एक गैर-सरकारी संस्था हो ।
मनराम प्रतिष्ठानको स्थापना मरिसिविल सिटिका प्रमुखद्वारा उहाँको निवासमा आयोजित रात्रिभोजमा भएको विशेष छलफल पश्चात गरिएको थियो, जहाँ तत्कालिन महासचिव राजन लम्साल जो लायन्स क्लवका मल्टिपल काउन्सिल प्रमुखका रुपमा उपस्थित हुनुहुन्थ्यो, साथमा संस्थाकी संरक्षक लायन मन माया श्रेष्ठ, लायन प्रमुख राम बहादुर श्रेष्ठ, सह अध्यक्ष लायन सुजन कुमार श्रेष्ठ, आजीवन सदस्य सुमन कुमार श्रेष्ठ र आजीवन सदस्य इन्दु लम्साल सहित लगभग सय जना सहभागीहरु उपस्थित हुनुहुन्थ्यो ।
उक्त छलफलको निचोडको रुपमा, नेपालमा शिक्षाको विकासका लागि कोष स्थापना गर्ने सहमती भइ यस प्रतिष्ठानको स्थापनासम्म आइपुग्यौं । सोहि समयदेखि नै लायन्स मनराम प्रतिष्ठान २००५ नेपालले नेपालमा रहेका बालबालिकाहरुको माझ शिक्षाको अवसर सुधार गर्न समर्पित हुँदै आएको छ ।