लायन्स मनाराम फाउण्डेशन २००५ नेपालले २०७३ वैशाख ७ गते खडबारीस्थित जिल्ला विकास समितिको सम्मेलन कक्षमा आयोजित कार्यक्रममा संखुवासभाका ३३ विद्यालयमा ३३ पुस्तकालय स्थापना गरी सम्बन्धित निकायलाई हस्तान्तरण गरेको थियो । कार्यक्रमको अध्यक्षता कार्यवाहक अध्यक्ष सुजनकुमार श्रेष्ठ र प्रमुख जिल्ला अधिकारी गंगाबहादुर क्षेत्रीले गरेका थिए । कार्यक्रमको अध्यक्षता संरक्षक श्रीमती मनमाया श्रेष्ठले गर्नुभएको थियो ।
मनराम पुस्तकालय भएका विद्यालयका लागि राष्ट्रिय वाणिज्य बैंकमा एक लाख मुद्दती निक्षेप रकमबाट प्राप्त हुने ब्याजमध्ये रु. फाउन्डेसनले ९० हजार र रु. विद्यालयबाट प्राप्त हुने १० हजार, पुस्तकालयको सुविधामा उपयोग गरिनेछ । साथै रु ३५ हजार मूल्य बराबरको पुस्तक पनि खरिद गरी विद्यालयहरुलाई उनीहरुको अनुरोध अनुसार हस्तान्तरण गरिएको थियो ।
तीन दिने विद्यालय पुस्तकालय व्यवस्थापन तालिमका सफल सहभागीहरुलाई प्रमुख जिल्ला अधिकारी गंगाबहादुर क्षेत्रीले प्रमाणपत्र वितरण गरेका थिए । पुस्तकालय हस्तान्तरण कार्यक्रम संरक्षक र प्रमुख अतिथि लगायत अन्य अतिथिहरु द्वारा गरिएको थियो।
कार्यक्रममा जिल्ला शिक्षा अधिकारी श्री टंकप्रसाद गौतम, स्थानीय विकास अधिकृत कृष्णप्रसाद सुवेदी र प्रमुख जिल्ला अधिकारी गंगाबहादुर क्षेत्रीले पुस्तकालयको समृद्धि, संरक्षण र समुचित व्यवस्थापनको शुभकामना व्यक्त गरेका थिए ।
अध्यक्ष सुजन कुमार श्रेष्ठले धन्यवाद ज्ञापन गर्दै कार्यक्रमको समापन गरेका थिए । करिब ३ घण्टा चलेको उक्त कार्यक्रममा विभिन्न कलाकारहरुले नृत्य, संगीत र सांस्कृतिक कार्यक्रमहरु सहित आफ्नो कला प्रस्तुत गरेका थिए ।
