लायन्स मनराम प्रतिष्ठान २००५ नेपालले मनराम हिमालयन ह्याण्डीक्राफ्ट प्रा.लि.सँगको सहकार्यमा त्रिभुवन विश्वविद्यालय कृषि तथा पशुचिकित्सा विज्ञान संस्थानमा अध्ययन गर्ने महिला विद्यार्थीहरूलाई लक्षित गर्दै स्नातक तह कृषि विज्ञान र स्नातक तह पशुचिकित्सा विज्ञान शैक्षिक छात्रवृत्ति कार्यक्रम सुरुवात गरेको छ । यस कार्यक्रम अन्तर्गत  हरेक वर्ष स्नातक तह कृषि विज्ञान समूहमा २ जना महिला विद्यार्थी  र स्नातक तह पशुचिकित्सा विज्ञान समूहमा १ जना महिला विद्यार्थीले यो छात्रवृत्ति प्राप्त गर्नेछन् ।

यो छात्रवृति कार्यक्रमले आर्थिक अभावका कारण गुणस्तरीय उच्च शिक्षा हासिल गर्न कठिन भएका कृषि तथा पशु चिकित्सा विज्ञानमा आफ्नो व्यक्तित्व विकास गर्न चाहने महिला विद्यार्थीहरूका निम्ति ठुलो अवसर हो । लायन्स मनराम प्रतिष्ठान २००५ नेपाल र मनराम हिमालयन ह्याण्डीक्राफ्टले यो पूर्ण छात्रवृत्ति सहयोग कार्यक्रम मार्फत कृषि तथा पशु चिकित्सा विज्ञानका क्षेत्रको विकासका निम्ति समान अवसर सिर्जना गर्न प्रोत्साहनको प्रायस गर्दैछ ।